SNIPPERDEI

Blijspul yn twa bedriuwen fan Oene Spoelstra.
Hindrik de Vries, sjauffeur by de Frico, hat op in moarn gjin nocht om oan it wurk te gean. Gryt, syn frou, prottelet wat op him om mar stekt úteinlik allinne ôf, ek nei har wurk by de Frico. Hindrik makket him klear op in noflike dei fan omstippe yn eigen hûs, as der in kollektant oan 'e doar komt. Dizze kollektant noeget himsels deryn en wurdt hieltyd frjemder yn syn hâlden en dragen. Hy is frij yn ’e mûle en bretaal en Hindrik rekket fan slach. Efkes útrêste is der net by. Buorfrou Galama kloppet op ’e doar en stoot yn ’e hûs. Sy siket beskerming by Hindrik, om’t har man losse hannen hat, en krûpt him op 'e lije side. En dan kriget er ek noch in tillefoantsje fan Hindrina, in skarrel út it ferline, dy’t delkomme wol om’t sy har jierdei by Hindrik fiere wol. Sy komt del en keapet in pear taartsjes fan Hindrik syn sinten. Hindrik hinget ûnderwilens slingers op, mar it slagget harren net om de sfear fan eartiids wer op te roppen. Mei ferwiten oer en wer geane hja út elkoar. Hindrik sil him dizze dei noch lang heuge. Wat sa’n noflike dei wurde soe pakt foar him dochs hiel oars út.

ROLFERDIELING

Hindrik                Marc Kooij
Kollektant           Jester Posthumus
Hindrina             Thirsa Reinsma
Gryt                    Peta Visser
Buorfrou Galama Saskia Zeinstra
Rezjy                  Thomas Bijlsma
Ynstekster          Francien de Vries
Lûd en ljocht       Sjerk Zoodsma
Dekôr                 Piet Hollenga, Elmar Kuiper en Ronald Verheij
Smink                 Anneke Wiersma
Foto                   Elmar Kuiper

Beide jûnen is der wer in ferlotting. Wa’t in pryske jaan wol, kin dat jûns meinimme nei it doarpshûs.

ÚTFIERINGS OP FREED 23 EN SNEON 24 MAART OM 8 OERE JÛNS YN DOARPSHÛS DE MURDHOUN, TOANIELFERIENING DE TAKOMST HÚNS/LEONS